Григорий Тяммин — сăввийĕсемпе асра юлнă, анчах пурнăçĕ пирки пĕлни сахал… Тĕплĕнрех→
Пурте ман пек ан пулăр!
Эпĕ çуралнă Нăрвашра,
Йăлăм ятлă касăра.
Эпĕ саккăр тултарсассăн,
Тăххăра кайсассăн,
Пирĕн анне чирлерĕ,
Тата пĕр эрнерен пĕтрĕ.
Эпир тăватсăмăр Тăлăха юлтăмăр.
Эпĕ вара çав çулах
Каяттăм школа кунĕ-кунĕпех.
Школра эпĕ туслашрăм
Пĕр ачапа, пĕрмаях çавăнпа çÿреттĕм.
Пĕрре эпĕ школăра
Çав ачапа юлтăм каярах.
Илчĕ ача партăран,
Хăй вы рă илен аякран,
Илчĕ пĕр кĕнеке.
Кĕнеки пĕтĕм кĕлеткеллĕ.
Çавна курсан эпĕ
Манăн чунăм хурланчĕ.
Мана çавă илĕртет те йăпатать.
Хайхи эпĕ йăпантăм та савăнтăм,
Партăран пĕр кĕнекине илтĕм.
Хам ăшра шухăшлатăп:
Парта патне илсе пырса хурас тетĕп.
Кĕнеки пит лайăх.
Хайхине эпĕ чиксе хутăм хутаççах.
Кайрăм киле,
Килтĕм школа.
Хам пурин пекех таса.
Илтĕм свидетельство тăват çул вĕренсе.
Пилллĕкмĕш çуллăхне аслине кĕтем,
Раштава та иртертĕм.
Раштавăн çăварни хушшинче
Çухалчĕ нумай кĕнеке.
Çав кĕнекесене çавă ача илсе тăнă-мĕн,
Никама та каламан-мĕн.
Çăварни умĕн килчĕ
Учитлĕссн пуçлăхĕ.
Учителĕсем мĕн çухалнине каланă.
Лешĕ тĕпчеме тытăннă.
Пĕр ача каласа пачĕ,
Хайхи ачи мана та каларĕ.
Тепчерĕç-тĕпчерĕç те
Пире кăларса ячĕç.
Çапла пĕр кĕнекешĕн.
Хам çут çанталăка сÿнтертĕм.
Çав çуллăхнех вара
Кайрăм ĕçлеме Хусана.
1913
↓ ↓ ↓
Малаллийĕ пĕлтерÿ хыççăн
Эпир пĕр-пĕр патшалăх тытса тăракан учреждени мар.
Тектсене ирĕклĕн тишкерсе хаклатпăр. Произведенисене сĕрĕмлĕх, сутлăх е пропаганда тĕллевĕпе мар – шырав, цитатăлу тунă чухне çăмăллăх кÿрессишĕн вырнаçтаратпăр.
– Chuvash.Link
Сайта кĕртнĕ çĕнĕ текстсем:
↓ ↓ ↓
Малаллийĕ
Chuvash.Link 
Шухăшăра пĕлтерĕр